بسم الله الرحمان الرحيم
السلام عليكم رحمة الله
سيداتي سادتي كنقدم ليكم :
’’ أصعب و أسخف الاسئلة في العالم ‘‘
مثــلا :
ـــــــــــــــــــــــــــــــــــــــــ
كيجي الليل ، كتمشي الغرفة ديالك باش تنعس على الفراش ديالك
كطفي الضو ، كيدخل عليك خوك الضريف ، و كيقول ليك :
آشنو أصاحبي ، شباغي الدير أياكما باغي تنعس
" لا أبدا و الله العظيم راه بغيت غير نلعب كوورة "
راه واضح انني بغيت نعس لاش هاد السؤال
ـــــــــــــــــــــــــــــــــــــــــ
أحيانا كنكونو معروضين عند شي ناس ، و كنمشيو عندهم لدارهم
و أول ما كيفتحو لينا الباب ، كيقول ولدهم الصغير :
انتوما جيتو .
" لا و الله العظيم باقي ماجينا ، ياله احنا في الطريق "
واش احنا واقفين قدام الدار و كيسولونا واش جيتو لحماق هدا .
ـــــــــــــــــــــــــــــــــــــــــ
و كتكون بعد المرات ساكن في الطبقة الأخيرة فشي عمارة
و طالع في الدروج ديال السطح تقضي شي غراد ،
كيخرج جاركم ، و كيقوليك :
" واش طالع للسطح "
لا و الله العظيم طالع للمريخ ياله طلع معايا
ـــــــــــــــــــــــــــــــــــــــــ
أو كيف العادة كل نهار كتوصل الساعة السابعة و النصف صباحا
كتركب السيارة ديالك باش تكون في العمل ديالك في الثامنة
كيجي عندك العساس ديال العمارة اللي ساكن فيها و كيسولك :
"غادي الخدمة السي فلان "
لا غادي البحر نصيد الدجاج تمشي تصيد معايا
ـــــــــــــــــــــــــــــــــــــــــ
شي مرة في المرات هداك الله و شديتي الكتاب و كتراجع دروسك
واخا ممولفاش ليك هاد القضية
كيدخل عليك خوك كيقوليك :
شكدير كتقرا
" لا كنطيب اللحم بالبرقوق آجي الطيب معايا "
ـــــــــــــــــــــــــــــــــــــــــ
و لا آجيو نشوفو القنوات الرائعة ديالنا و بعض البرامج السخيفة
شي برنامج إهداءات ديال الأغاني
كيتصل شي مشاهد كيطلب الاغنية الفلانية
كتسولو المذيعة الرقيقة و الرشيقة بكل رقة :
شفتك طلبتي هاد الاغنية واش كتبغيها ؟؟
" لا كنكرها عليها طلبتها "
ـــــــــــــــــــــــــــــــــــــــــ
أو مثلا في العيد
المذيعة: هههههههههههههه هههههه نتعرف بيك
االمواطن: فلان الفلاني
المذيعة: هههههه هههههههههههه شنو بغيتي تقول للاهل ديالك و الأصدقاء و الأحباب و الناس اللي مخاصم معاهم ؟ هههههه هههههه
المواطن : نقولهم مبروك عواشركم و كل عام وأنتم بخير
" بغاتو يقوليهم سيرو الله ياخد فيكم الحق فهاد العواشر "
ـــــــــــــــــــــــــــــــــــــــــ
و أسخف أسئلة هي اللي كتكون في برامج الأطفال
المذيعة السخيفة كتسول الطفل الوسيم بكل طيبة و رقة
انت كتبغي ماما و بابا ؟؟
" لا ماكنحملهمش أعدى الناس عندي هما بابا و ماما "
هههه راه باينا غادي يقوليك آه كنحماق على بابا و ماما
ـــــــــــــــــــــــــــــــــــــــــ
الحاصول الأسئلة من هاد القبيل موجودة بكثرة
و اللي عندو شي مثال ديال هاد الأسئلة يفيدنا بيه
موضوع: ’’ أصعب و أسخف الاسئلة في العالم ‘‘ 
2008-12-16, 18:13
